Ана Стојановска е млада актерка, актуелна со улогата во филмот „Кајмак“ на македонскиот режисер Милчо Манчевски, кој имаше успешни светски премиери. Актерот Дритон Вејсели – шармантниот Талат од популарната серија „Преспав“. Од неодамна, свежиот хумор на актерско-водителскиот пар е прикажан низ авантурите на првата македонска доку-серија „Радиус“.

Приказните во секоја епизода се оние кои не поврзуваат но и не прават посебни, поврзани се со културното наследство, традициите и вредностите кои се заеднички за народите на Балканот, вкусната храна и прекрасната природа на регионот, како и луѓето во чии животи и професии се препознава важноста на минатото, но и погледот кон заедничката иднина.