Денес, заедно со 10 млади истражувачи бевме во незаборавна забавно-едукативна авантура низ зелените предели во Скопскиот градски парк!

Учесниците со помош на специјална рачно изработена „Митска мапа“ и „Магичен прирачник“, неколку сетови на специјално дизајнирани карти, токени, тајни насоки, загатки, кодови и предизвици, креираа една целина и создаваа волшебни приказни.

Оваа невообичаена авантура по повод „Европски денови на наследството 2023“ ја креиравме заедно со HAEMUS ,Млад истражувач и Storytelling Skopje , а беше предводена од археологот м-р Василка Димитровска.

Со нетрпение ја очекуваме и интерпретациската обука: Наследството како основа за одржлив развој на културниот и природниот туризам.